Ginoong Lacsam
Ni
Princess Diane Carmela Fshyne T. Tiquis
Sa bawat pag-aaral ng mga kabataan
Ginugugol ang oras sa mga paaralan
Isang
mabuting guro sa lahat ng larangan
Laging umaalalay ‘yan si Ginoong
Lacsam.
Kung pagsulat ng akda sa kanya’y
mababatid
Puno ng talinhagang tumatagos sa dibdib
Ang mga pagsasanay may taglay na
balakid
May mahihinuha ka sa natatagong liblib.
Leksyong tinatalakay siya ay dalubhasa
Sa lahat ng aralin ikaw ay mamamangha
Pagdating ng panahon ika’y magiging
bihasa
Sa iba’t ibang prosa sa buhay umaakma.
Ang kanyang kagalingan sa ati’y
gumagabay
Sa mabubuting landas tinatahak ng buhay
Humubog sa ugali at nagsilbing patnubay
Upang sa takdang araw tayo ay
magtagumpay.
Ang iba’t ibang parangal sa laban ay
nakamit
Sa lahat ng serbisyong kanyang
inihahatid
Paano ang talento kung hindi nagagamit
Walang saysay ang buhay na kaloob ng
langit.
No comments:
Post a Comment