Creator, Author and Reader (poem)

Creator, Author and Reader

by Princess Diane Carmela Fshyne T. Tiquis

Life is like a prose

It begins with a phrase

Ideas in a sentence

With meaning and a sense.

God is the creator

Blessings and gifts in favor

Different shades of color

Faith, trust and honor.

You are the author

That creates numerous chapter

In any kind of weather

Everyone can remember.

People are the readers

They serves as messengers

Inspires many listeners

To create more followers.

A peep in prologue

Exchange of dialogues

Dramatic reading or monologue

Goosebumps in epilogue.

Dayuhan: Hinamak mo ang aking bayan (tula)

DAYUHAN: Hinamak mo ang aking bayan

Ni Lovely Ellaine T. Tiquis

Pilipinas aking sinilangan

Ika’y napabayaan

Sa kasakiman ng mga dayuhan

Nais kang pakinabangan.

May busal ang bibig

Takot sa puso’y pumipintig

Balahibo’y tumitindig

Sa mga salitang tagos sa dibdib.

Mga Pilipinong dakila

Putulin na ang tanikala

Dala man nila’y banta

Hindi hadlang upang maging malaya.

Kabayanihan ang naging dahilan

Kasarinla’y muling naranasan

Sa pagkakaisa ng mamamayan

Pagtatanggol kay Inang Bayan.

Estreliya (tula)

Estreliya

Ni Princess Diane Carmela Fshyne T. Tiquis

Sa pagtulog ko t’wing gabi’y nsasisilayan ‘yong mata

Na katulad ng bituing punong-puno ng pagsinta

Ang sinisigaw ng puso’y ikaw lamang walang iba

Kahit lang sa panaginip na nawawala ng kusa.

Hindi ko makalimutan ang sa akin ay paghimig

Na nagsisilbing patunay sa ‘yong wagas na pag-ibig

Naaalaala ko pa mga lihim mong pagtitig

Sa mga simple kong ngiti nagpapakinang ng bibig.

May mga pagkakataon na naglalaho ang kulay

Paggising ko sa umaga’y lubha akong nalulumbay

Dahil hindi ko napakinggan ang malalamig mong ingay

Matatamis mong salitang sa aki’y nagbibigay buhay.

Kalansing (tula)

Kalansing

Ni Princess Diane Carmela Fshyne T. Tiquis

Maraming bagay sa mundo ang ninanais ng tao

Na hinihiling sa Diyos na sana’y magkatotoo

Kung sa bawat pangyayaring nagpapasaya ng puso

Kahit sa simpleng pagtulong na dapat nating matanto.

Madalas kong napapansin batang sawing-kapalaran

Lubha akong nahahabag sa kaniyang kalagayan

Lagi siyang nakaabang sa pasilyo ng simbahan

Nakakalungkot isipin nakakaawang pagmasdan.

Akin siyang nilapitan kahit ako’y nalulumbay

 Kinilala ko siyang lubos ang kanyang naging buhay

Doon ko naunawaan sa barya siya nabubuhay

Maswerte ang mga araw kung may taong nagbibigay.

Tigib-dusa (tula)

Tigib-dusa

Ni Princess Diane Carmela Fshyne T. Tiquis

Unti-unting sumisibol liwanag ng takipsilim

Lumalakas,sumisidhi ang damdamin na malalim

Dahan-dahang ilalantad nakatagong mga lihim

Na simbolo ng galit at kasamaan tuwing lagim.

Ang halakhak ng manika’y unti-unting maririnig

Binubulong,sinasambit lumalabas na sa bibig

Sa mabagal na pagtugon balahibo mo’y titindig

Siguradong dadalhin ka agad-agad sa ‘yong libing.

Sa musika ng orasan nagbibigay ng karimlan

Manghihina,matatalo ang sinumang kakalaban

Ang maitim na mahikang sagisag ay kamatayn

Ang mapanglaw na parusa ay wasak na kapalaran.